ក្រុមហ៊ុន​ នីខេម ខូ អិលធីឌី (នីខេម) គឺជាក្រុមហ៊ុនឯកជនមួយដែលត្រូវបានបង្កើតឡើងក្រោមច្បាប់ជាតិរបស់ប្រទេសកម្ពុជា និងត្រូវបានទទួលស្គាល់ដោយក្រសួងពាណិជ្ជកម្មកម្ពុជា (Co.3032KH/2015) ចេញនៅថ្ងៃទី 19 ខែសីហា ឆ្នាំ 2015 ជាក្រុមហ៊ុនឯកជនទទួលខុសត្រូវមានកម្រិត។

ក្នុងការឆ្លើយតបទៅនឹងវិស័យធនធានមនុស្ស គឺពិតជាត្រូវការយ៉ាងខ្លាំង ដូច្នេះហើយ នីខេម ត្រូវបានបង្កើតឡើង ដើម្បីផ្គត់ផ្គង់ដល់ការអភិវឌ្ឍន៍គ្រប់វិស័យក្នុងប្រទេសកម្ពុជា។ ជាពិសេស យើងផ្តល់ឱកាសដល់ប្រជាជនកម្ពុជាក្នុងការអភិវឌ្ឍចំណេះដឹង ជំនាញ និងឱកាសការងារក្នុងប្រទេស និងក្រៅប្រទេសជាពិសេសប្រទេសជប៉ុន។

សេវាកម្មស្នូលរបស់ក្រុមហ៊ុន នីខេម គឺការបញ្ជូនសិក្ខាកាមនិងពលករជំនាញកម្ពុជាទៅធ្វើកម្មសិក្សានិងធ្វើការទៅប្រទេសជប៉ុន តាមរយៈកម្មវិធីដែលស្របនឹងកម្មវិធីបណ្តុះបណ្តាលបច្ចេកទេសអន្តរជាតិ (TITP) និងកម្មវិធីទិដ្ឋាការពលករជំនាញជាក់លាក់ (SSW) របស់ប្រទេសជប៉ុន។ កម្មវិធីទាំងនេះត្រូវបានបង្កើតឡើងដើម្បីផ្ទេរជំនាញ បច្ចេកវិទ្យា និងចំណេះដឹងទៅកាន់បណ្តាប្រទេសកំពុងអភិវឌ្ឍន៍ំ ព្រមទាំងជាការដោះស្រាយបញ្ហាកង្វះខាតកម្លាំងពលកម្មរបស់ប្រទេសជប៉ុនផងដែរ ជាពិសេសសម្រាប់សហគ្រាសខ្នាតតូច និងមធ្យម។